Korleis ser arbeidsdagen ut for programavdelinga og produksjonavdelinga på Litteraturhuset i Bergen? Og korleis jobbar vi for best mogleg å nå ut til publikum med alle dei ulike arrangementa som skjer på Litteraturhuset?

På arrangementet møter du tilsette med ulike roller og fagfelt, og de får høyre om korleis jobbkvardagen her er. 

Sjølve Karrierekatapult-programmet varer 17.00-18.30. Alle deltakarane får også tilbod om gratisbillett til arrangementet «Lyrikksalong: Wisława Szymborska» kl. 20.00 same dag på Litteraturhuset i Bergen.

17.00-18.30 Program

Innlegg ved:

• Hjørdis Losnedahl, dagleg leiar ved Litteraturhuset i Bergen
• Margunn Vikingstad, programansvarleg ved Litteraturhuset i Bergen
• Øyvind Valderhaug, teknisk ansvarleg ved Litteraturhuset i Bergen

Etterpå blir det  omvising på huset.

Praktisk informasjon:

Møt opp i Boksalongen, bokhandelen på Litteraturhuset i Bergen som ligg i første etasje. Adresse: Østre Skostredet 5.

20.00 – Lyrikksalong: Wisława Szymborska

Deltakarar som har lyst, får gratisbillett til kveldens samtale om den polske poeten Wisława Szymborska. Szymborska blir rekna som ein av Polens fremste poetar og i 1996 mottok hun Nobelprisen i litteratur. Møt Szymborskas gjendiktar Agnes Banach, aktuell med Slutten og begynnelsen. Utvalgte dikt 1945–1993, i samtale med Fredrik Hagen!

Om Karrierekatapult

Arrangementet er ein del av Karrierekatapult. I perioden 23. februar-23. mars kan studentar bli med på besøk til spanande bedrifter og arbeidsgivarar i Vestland. Oppdag arbeidsgivarar, næringar og stillingstypar du ikkje visste var aktuelle for deg!

Finn fleire arrangement på karrierekatapult.no/arrangementer.